Lexoni edhe:
Ia rrëmben nga dora telefonin në vlerë të 1,100 eurove të miturës në Pejë
Hyrja madhështore në ring e Krasniqit me këngën “Kuqezi”
Robin Krasniqi ka fituar mbrëmë titullin e kampionit të Botës në kategorinë gjysmë të mesme, WBA. Krasniqi ka mposhtur me nokdaun Dominic Bosel, në raundin e tretë.
Robin Krasniqi mbrëmë ka bërë krenarë shqiptarët anë e kënd Botës.
Jo vetëm me fitoren, por edhe me mënyrën se si është futur në ring.
Krasniqi ka zgjedhur këngën “Kuq e Zi” të Elvana Gjatës dhe Flori Mumajesit, për të bërë hyrjen spektakolare në ring.
Boksieri kosovar u lind në Junik të Kosovë më 1 prill 1987 derisa deri me tani ka pasur disa tituj europian por edhe botëror.
Historia e Robinit, emri i vërtetë i të cilit është Haxhi, është interesante dhe e dhimbshme.
Ai u largua nga Kosova për shkak të luftës në Kosovë bashkë me familjen e tij. Ai do të vendosej në Munchen të Gjermanisë.
Debutimin profesional në boks Krasniqi e bëri më 20 tetor të vitit 2005, i cili debutim nuk ishte edhe aq i mirë pasi që ai humbi ndaj Seven Haselhuhn ku u nokautua në rundin e katër.
Në ndeshjen e tretë, të mbajtur më 5 janar 2006, Robini do të humbiste përsëri, prapë duke u nokautuar në rundin e katër nga Adrian Cerneaga.
Por, pas këtyre dy ndeshjeve Robin Krasniqi do të vazhdonte të fitonte për shtatë vite rresht, duke fituar ËBO dy herë për peshat e mesme.
Më 20 prill 2013, Krasniqi synoi titullin e botës kundër Nathan Clevery, por që humbi në raundin e dymbëdhjetë.
Mundësia e dytë për titull e Robinit ishte në vitin 2015, më 21 mars ku ai u mposht nga Jurgen Brahmer në rundin e nëntë në finale për ta humbur kështu rripin e ËBA-së.
E treta e vërteta. Robin Krasniqi, e fitoi titullin e botës ËBA sonte kundër Dominic Bosel, duke u bërë kështu shqiptari i parë që ka rripin botëror në këtë kategori në boksin profesionist.
(Kosova Sot Online)
