Lexoni edhe:
Aksident i rëndë në Mitrovicë, vdes një 20-vjeçar
Goditi shtyllën e betonit me veturë, vdes një 21-vjeçar në Vushtrri
Një vetaksident trafiku ka ndodhur dje në Vushtrri. Drejtuesi i automjetit ka goditur një shtyllë të betonit, dhe pas lëndimeve të marra ka ndërruar jetë. Media mëson se viktima është i moshës 21-vjeçare.
Rastin e ka konfirmuar Policia e Kosovës përmes raportit 24 orësh.
Në lidhje me rastin është kontaktuar prokurori i shtetit, i cili urdhëruar që rasti të hapet si ‘Shkaktim i rrezikut të përgjithshëm, Asgjësim apo dëmtim i pasurisë’, derisa trupi i pajetë është dërguar në Institutin e Mjekësisë Ligjore për obduksion.
“Raportohet se ka ndodhur një vetaksident trafiku ku një veturë me targa vendore me ngasës të dyshuarin m/k ka goditur një shtyllë të betonit me ç’rast i dyshuari ka pësuar lëndime trupore. Në vendin e ngjarjes kanë dalë njësitë policore dhe ndihma e shpejtë të cilët e kanë marrë të dyshuarin dhe e kanë dërguar në emergjencën e Vushtrrisë prej nga e kanë dërguar për tretman të mëtutjeshëm në QKUK, Prishtinë ku edhe ka ndërruar jetë”, thuhet në raport.
(Kosova Sot Online)
