Lexoni edhe:
Viktima goditet me çekan në ‘Burger King’, përleshja masive para dëshmitarëve të shokuar
Rusia buzë katastrofës, shënon rekord infektimesh e vdekjesh nga COVID-19 për 24 orë
Rusia ka regjistruar rekord të rasteve të infektimeve dhe vdekjeve nga COVID-19 gjatë 24 orëve të kaluara.
Autoritetet shëndetësore të enjten i raportuan 17.717 raste të reja të infektimeve, përfshirë 4.906 në Moskë. Kështu, numri i përgjithshëm i infektimeve shkoi në mbi 1 milion e 581 mijë, që është një ndër shifrat më të larta në botë.
Përpos rekordit të infektimeve, të enjten në Rusi u raportua edhe për shifrën më të lartë të të vdekurve nga COVID-19 për 24 orë, shkruan The Guardian.
Gjatë kësaj periudhe u regjistruan 366 viktima të reja dhe numri i përgjithshëm i të vdekurve nga pandemia shkoi në 27.301, që është shifër shumë më e vogël se vdekjet në vendet tjera të mëdha, si Shtetet e Bashkuara, Brazili dhe India.
(Kosova Sot Online)
