Trump: Vota për Bidenin e përgjumur ia jep qeverinë komunistëve e socialistëve
Presidenti i Shteteve të Bashkuara, Donald Trump, e ka sulmuar edhe një herë rivalin e tij, Joe Biden, duke thënë se vota për të nënkupton dorëzim të kontrollit të qeverisë te komunistët dhe socialistët.
“Një votë për Joe Bidenin e përgjumur është votë për t’ia dhënë kontrollin e qeverisë globalistëve, komunistëve, socialistëve dhe hipokritëve të pasur liberalë, të cilët duan që t’ju heshtin, t’ju cenzurojnë, t’ju anulojnë dhe t’ju ndëshkojnë. Dilni dhe votoni #MAGA (Make America Great Again – sllogan i Trumpit) nesër!”, shkroi ai në Twitter.
Zgjedhjet e së martës në Shtetet e Bashkuara po cilësohen si më përçarëset në dekadat e fundit për shkak të dallimeve të mëdha në pikëpamje mes dy kandidatëve për çështjet më të rëndësishme, siç janë pandemia COVID-19 dhe ngrohja globale.
A vote for Sleepy Joe Biden is a vote to give control of government over to Globalists, Communists, Socialists, and Wealthy Liberal Hypocrites who want to silence, censor, cancel, and punish you. Get out and VOTE #MAGA tomorrow! https://t.co/gsFSghkmdM
— Donald J. Trump (@realDonaldTrump) November 3, 2020
(Kosova Sot Online)