Franca shënon numrin më të lartë të viktimave të COVID-19 që nga 15 prilli

  • G.G /
  • 04 November 2020 - 08:30
Franca shënon numrin më të lartë të viktimave të COVID-19 që nga 15 prilli

Të martën, Franca i regjistroi 854 viktima të koronavirusit për 24 orë, që ishte shifra më e lartë që nga 15 prilli.

Sidoqoftë, numri ditor i infektimeve ishte dukshëm më i ulët se rekordi prej 52.518 rasteve pasi në 24 orët e kaluara u regjistruan 36.330 infektime të reja, shkruan The Guardian.

Autoritetet franceze kanë vendosur masa izoluese kombëtare nga e premtja në përpjekje për ta luftuar përhapjen e virusit. Megjithatë, zakonisht nevojiten dy javë që masat të sjellin ndonjë efekt.

Në përgjithësi, Franca deri më tani ka regjistruar mbi 1.5 milionë të infektuar, që është një ndër shifrat më të mëdha në Evropë dhe në botë, si  dhe 38.289 viktima, që gjithashtu është në mesin e shifrave më të larta në Evropë.

Numri i personave të shtrirë në spitale është 26.265, që është shifër pothuajse gjashtë herë më e madhe në krahasim me fundin e gushtit, kur në spitale ishin vetëm 4.530 të infektuar me koronavirus.

(Kosova Sot Online)