Lexoni edhe:
Zemaj: Jemi të detyruar t’i ashpërsojmë masat
Klinaku: Para-aktakuzat e Krasniqit dhe Selimit i kemi pasur në zyre
Sekretari i OVL të UÇK-së, Faton Klinaku, tha se në zyrën e tyre i kanë pasur para-aktakuzat e Jakup Krasniqit dhe Rexhep Selimit.
Klinaku tha se këto para aktakuza i kanë pasur në kohën kur u janë dorëzuar dosjet në zyret e tyre, të cilat edhe i kanë publikuar.
“Informacionet se kur do të ftohen nuk i kemi pas, por i kemi pas para aktakuzat në zyre. Para-aktakuza, është aktakuzë e pakonfirmuar. Ne këto veprime të Gjykatës Speciale i konsiderojmë të kundërligjshme, pasi mandati i tyre ka përfunduar më 3 gusht”, tha Klinaku.
Pjesëtarët e EULEX-it sot bastisën shtëpinë e Jakup Krasniqit, të cilën më pas edhe e arrestuan. Krasniqi është arrestuar pas 10 orësh bastisjeje në shtëpinë e tij, ndërsa pritet transferimi i tij në Hagë.
Rreth një orë më parë, konfirmimin e aktakuzës ndaj tij, e konfirmoi edhe Rexhep Selimi, i cili tha se nesër do të niset për në Hagë.
(Kosova Sot Online)
