Daut Haradinaj për Thaçin e Veselin: Do të ktheheni edhe më të fortë

  • G.G /
  • 05 nëntor 2020 - 14:33
Daut Haradinaj për Thaçin e Veselin: Do të ktheheni edhe më të fortë

Shefi i grupit parlamentar të Aleancës së Ardhmërisë së Kosovës (AAK), Daut Haradinaj, ka lëshuar një reagim pas konfirmimit të aktakuzës së ish-presidentit të Kosovës, Hashim Thaçi dhe ish-kryetarit të Partisë Demokratike të Kosovës (PDK), Kadri Veseli.

Haradinaj, përmes një postimi në llogarinë e tij në ‘Facebook’, ku i ka bashkëngjitur fotografitë e tij me Thaçin e Veselin, ka mbështetur dy akterët politik të PDK’së pas konfirmimeve të aktakuzës nga Gjykata Speciale.

“Do të ktheheni edhe më të fortë!”, ka deklaruar Haradinaj.

Para gjashtë muajsh, Prokuroria e Specializuar kishte njoftuar për ngritje të aktakuzës ndaj Hashim Thaçit e Kadri Veselit, të cilëve u rëndojnë akuzat për krime lufte në luftën e fundit në Kosovë.

https://www.facebook.com/DautHaradinaj/posts/3344561168930321

(Kosova Sot Online)