![Tërmet i fortë në Greqi](/uploads/kosova-sot/images/2024/July/27/200x200_IMG_57691722035783.jpeg)
Trumpi përsëri kërkon ndërprerje të numërimit të votave
![Trumpi përsëri kërkon ndërprerje të numërimit të votave](/uploads/kosova-sot/images/2020/November/05/auto_Trump25-600x3601604586764.jpg)
Presidenti i Shteteve të Bashkuara, Donald Trump, përsëri ka bërë thirrje që të ndërpritet procesi i numërimit të votave pas akuzave të pabaza të tij për mashtrim.
Në një postim në Facebook, ai shkroi me shkronja të mëdha: “Ndaleni numërimin!”
Sidoqoftë, këtij postimi Facebook-u ia ka shoqëruar një shënim, ku thuhet se votat janë duke u numëruar, dhe një link ku jepen më shumë të dhëna për zgjedhjet.
Kësaj thirrjeje i është bashkëngjitur edhe përfaqësuesi special për dialogun Kosovë – Serbi dhe një ndër përkrahësit më besnikë të tij, Richard Grenell, i cili ka thënë në Shtetet e Bashkuara kanë votuar të vdekurit dhe ata që nuk janë banorë të lokacioneve ku kanë votuar.
Zyrtarët e fushatës së Trumpit kanë thënë se do të dorëzojnë ankesa ligjore në disa shtete, përfshirë shtetin kyç, Pensilvaninë, nën dyshimin se procesi i numërimit nuk është duke u kryer në mënyrë të rregullt.
(Kosova Sot Online)