Kapen duke luajtur lojëra fati, gjobë për maskë ndaj 15 personave në Skenderaj

  • G.G /
  • 09 November 2020 - 10:45
Kapen duke luajtur lojëra fati, gjobë për maskë ndaj 15 personave në Skenderaj

Policia ka gjobitur pesëmbëdhjetë persona të cilët i ka gjetur duke luajtur me lojëra të fatit në një shtëpi të pabanuar në Skenderaj.

Rasti ka ndodhur mbrëmjen e së shtunës në Skenderaj, ka njoftuar Policia e Kosovës në raportin 24 orësh.

Policia ka shqiptuar gjoba për mosmbajtje të maskës ndaj 15 personave, ndërkaq ndaj pronarit të objektit është iniciuar rasti.

“Është raportuar se në një shtëpi të pabanuar janë takuar pesëmbëdhjetë (15) persona duke luajtur me lojëra të fatit. Të gjithë personave pjesëmarrës iu është shqiptar gjoba për mosbartje të maskës gjatë pandemisë, ndërsa pronarit të objektit i është iniciuar rasti”, njofton Policia.

(Kosova Sot Online)