Shkarkohet drejtori i Spitalit të Vushtrrisë
Drejtori i Spitalit të Vushtrrisë, Mursel Pllana është shkarkuar nga pozita e drejtorit të këtij spitali. Në vend të tij është emëruar si ushtrues detyre Hajrullah Saraqi.
Pllana ka deklaruar se vendimin e ka pranuar para dy ditësh, me arsyetimin se në Spitalin e Vushtrrisë nuk është menaxhuar mirë pandemia Covid-19.
Në pozitën e ushtruesit të detyrës së drejtorit të këtij spitali, është riemëruar Hajrullah Saraqi i cili ishte shkarkuar para një viti nga ish-drejtori i SHSKUK-së Basri Sejdiu.
Kujtojmë se Spitali i Vushtrrisë ishte transformuar në spital Covid gjatë muajve korrik dhe gusht. Në këtë spital ka pas probleme me furnizim të oksigjenit.
(Kosova Sot Online)