Rukiqi : Kjo javë është vendimtare për mosdërgimin e ekonomisë në kolaps

  • G.G /
  • 09 November 2020 - 11:53
Rukiqi : Kjo javë është vendimtare për mosdërgimin e ekonomisë në kolaps

Të shtunën dhe të dielën Ministria e Shëndetësisë riktheu karantinën për shtatë komuna, duke mbyllur kështu edhe shumë biznese.

Reagime të shumta erdhën nga bizneset, e Shoqata e Gastronomëve të Kosovës ka kundërshtuar edhe me protesta. Ndërsa, gjatë ditës së sotme kanë thënë se nuk do të pranojnë asnjë mbyllje e cila nuk do të ketë edhe mbështetjen e Qeverisë.

Ndërkaq, kryetari i Odës Ekonomike të Kosovës (OEK), Berat Rukiqi derisa ka shpërndarë reagimin e gastronomëve, thotë se kjo javë është vendimtare për mosdërgimin e ekonomisë në kolaps, duke theksuar se për rimëkëmbje as nuk diskutohet.

Veç kësaj, Rukiqi ka potencuar se para rimëkëmbjes duhet të sigurohet mbijetesa.

“Në rritje rezistenca për mbyllje nga ana e bizneseve, sidomos mbyllje pa e siguruar asnjë mbështetje financiare. Sot në mëngjes kam pranuar edhe dhjetëra thirrje nga sektorët tjerë:

– Tregtia me pakicë

– Qendrat tregtare

– Ndërtimi

– Transporti

Është javë vendimtare për mosdërgimin e ekonomisë ne kolaps. Për rimëkëmbje as nuk diskutohet. Tani para rimëkëmbjes duhet te sigurohet mbijetesë”, ka shkruar Rukiqi. 

(Kosova Sot Online)