Kuriri serb i quan monstrumë Thaçin e Krasniqin
“Përbindëshat!” Me këtë titull e ka hapur faqen e parë gazeta serbe ‘Kurir’ duke iu referuar liderëve të Kosovës që po përballen me Gjykatën Speciale për Krimet e Luftës në Hagë.
Ajo e shoqëron shkrimin me foton ku shfaqen ish-presidenti i Kosovës, Thaçi dhe ish-kreu i Kuvendit, Krasniqi.
Ky i fundit kishte sot seancën e parë para gjykatës, ku tha se ishte i pafajshëm lidhur me akuzat e ngritura ndaj tij për periudhën e Luftës së Kosovës.
Ish-presidenti Thaçi e ka seancën po ditën e sotme, e parashikuar të nisë rreth orës 15:00.
Bashkë me Thaçin e Krasniqin, në gjykatë do përballen për të njëjtat akuza Kadri Veseli e Rexhep Selimi.
(Kosova Sot Online)