Lexoni edhe:
Pren Marashi: Nuk jam ushtar katolik, jam shqiptar i UÇK-së
Imami nga Besiana: Serbia u mundua ta paraqes luftën e shqiptarëve si luftë fetare
Bekim Jashari, imam në Besianë ka thënë se shqiptarët asnjëherë nuk kanë bërë beteja fetare.
“Shqiptarët betejat gjatë gjithë historisë i kanë bërë për çlirim nga pushtuesi serb. Serbia pasi e pa se janë mposhtur janë munduar ta fusin elementin fetar për të treguar para botës se shqiptarët kanë bërë betejë fetare, e që është shumë i rrezikshëm”, ka deklaruar Jashari.
Hoxha nga Besiana thotë se modeli i shqiptarëve nuk mund të krahasohet me asnjë model tjetër të luftës që sipas tij sot bëhen në vende të ndryshme me shumicë myslimane.
“Beteja fetare e sektare sot bëjnë disa vende të lindjes së mesme e disa vende tjera me shumicë myslimane, por shqiptarët nuk i kanë pasur model asnjëherë këto luftëra”, deklaroi hoxha Bekim Jashari.
Ndryshe, Gjykata Speciale në aktakuzën ndaj ish-drejtuesve të UÇK-së kishte përmendur edhe termin “katolik” që ka sjellë reagime të shumta në Kosovë e më gjerë.
(Kosova Sot Online)
