Lexoni edhe:
Prokurori Jack Smith: Thaçi i punësoi si këshilltarë dëshmitarët e mundshëm të Speciales
Ankohet një baba nga Prizreni, thotë se maltretohet vazhdimisht nga biri i mitur
Një burrë nga Prizreni ka raportuar në Polici se maltretohet në mënyrë sistematike nga djali i tij i mitur. Ndërkohë, në një përplasje që e kanë pasur dje, ai e ka goditur me grusht xhamin e derës së hyrjes së shtëpisë dhe e ka thyer.
Rastin e ka konfirmuar zëdhënësi i Policisë së Prizrenit, Shaban Osmanollaj.
“I dyshuari i mitur pas një komunikimi të tensionuar që e ushtron ndaj prindit të tij viktimës, e godet me grusht xhamin e derës së hyrjes së shtëpisë dhe e thyen të njëjtin, vlera e të cilit sillet rreth 50 Euro. Viktima-prindi deklaron se në mënyrë sistematike maltretohet prej të dyshuarit-birit të tij”, ka thënë Osmanollaj.
Sipas tij, për këtë rast është edhe hetuesi primar i dhunës në familje.
“Në lidhje me rastin është njoftuar hetuesi primar i dhunës në familje e i cili pas intervistimit të palëve të përfshira në rast dhe komunikimit me prokurorin e shtetit i njëjti (prokurori) ka vendosur që ndaj të dyshuarit të aplikohet procedurë e rregullt hetimore”, ka deklaruar Osmanollaj.
(Kosova Sot Online)
