Suedia shtrëngon masat anti-COVID

Përpjekjet e Suedisë për të luftuar koronavirusin u rritën të martën, pasi u vendos një masë e re ndalimi për muajin tjetër: Jo më shumë se tetë njerëz së bashku. Kjo masë shtesë erdhi dy ditë pasi kryeministri Stefan Lofven përdori një fjalim të rrallë televiziv për të nxitur qytetarët e vendit të bëjnë atë që duhet për të luftuar pandeminë.

Sidoqoftë, ndalimi zbatohet vetëm për tubimet zyrtare publike; restorantet, dyqanet dhe bizneset u nënshtrohen rregullave të ndryshme dhe mbeten të hapura, duke dhënë ndjesinë që në fakt nuk kanë ndryshuar asgjë. Në rrugët e kryeqytetit, restorante, apo dhe në transportin publik njerëzit nuk mbajnë maskë madje janë dhe shumë pranë njëri-tjetrit.

Që nga fillimi i pandemisë, Suedia ka zgjedhur një qasje tjetër dhe shumë të debatuar për të trajtuar krizën shëndetësore duke mbajtur të hapura pjesë të mëdha të shoqërisë.

Ajo është mbështetur kryesisht në rekomandimet për popullatën për të mbajtur distancën fizike dhe lutjet e përsëritura vetëm për të vepruar me përgjegjësi. Deri më tani, 6500 njerëz kanë vdekur nga COVID-19 dhe numri i rasteve të reja dhe vdekjeve është rritur me shpejtësi në javët e fundit.

(Kosova Sot Online)