Lexoni edhe:
“Burdushi” kundërshton aktakuzën për mashtrim: Kam punuar për 'idare'
Vendoset data e zgjedhjeve në Gjermani, Merkel pritet të largohet nga politika
Zgjedhjet e ardhshme të përgjithshme në Gjermani do të zhvillohen më 26 shtator 2021, vendosi qeveria, ndërsa pritet tërheqja e kancelares Angela Merkel nga politika.
Zëdhënësja e qeverisë, Martina Fietz prezantoi datën, të cilën presidenti gjerman Frank-Ëalter Steinmeier duhet ta nënshkruajë.
Merkel ka premtuar se nuk do të të kandidojë më pas katër mandateve, duke e lënë të hapur drejtimin e ardhshëm të ekonomisë më të madhe të Evropës.
Ministri i Brendshëm Horst Seehofer kishte propozuar 26 shtatorin si datë zgjedhjesh javën e kaluar, pas bisedimeve me 16 shtetet e vendit dhe me partitë e përfaqësuara në Bundestag, i cili zgjidhet çdo katër vjet.
Në Europë ekziston frika se dobësimi i fuqisë së Merkelit mund të shkaktojë probleme për komunitetin, sepse Angela Merkel është peshë e rëndë në BE.
Angela Merkel është kritikuar ashpër për politikën e saj ndaj refugjatëve, por minutën e fundit ajo mundi të bënte bashkë BE-në dhe Turqinë për arritjen e një marrëveshje për refugjatët, duke ulur presionin e krijuar për këtë temë.
(Kosova Sot Online)
