Kompania ruse e naftës fillon një megaprojektit në Arktik: Do të investohen 132 miliardë euro

  • A.P /
  • 26 nëntor 2020 - 15:56
Kompania ruse e naftës fillon një megaprojektit në Arktik: Do të investohen 132 miliardë euro

Kompania ruse e naftës, Rosneft e ka njoftuar të mërkurën presidentin Vladimir Putin për nisjen e “Vostok Oil”, një projekt gjigant në Arktik.

“Unë jam i lumtur t’ju informoj për fillimin e projektit”, tha Igor Sechin, kreu i Rosneft, gjatë një takimi me presidentin rus, me të cilin është shumë i afërt. Ai e falënderoi Putinin për miratimin e një ligji që lehtëson investimet në Arktik.

“Sipas planit, punimet kërkimore dhe ndërtimi i një tubacioni dhe porti nafte të gjatë 770 kilometra janë duke u zhvilluar”, shtoi Secin.

Projekti, një gur themeli i ambicieve të Rusisë në Arktik, bashkon disa aktivitete të Rosneft në Lindjen e Largët të Rusisë, pranë rrugës detare veriore që ndërmarrja synon ta përdorë për dërgesat në Evropë dhe Azi.

Në shkurt, Sechin i premtoi Putinit se projekti do t’i sillte vendit dy përqind të PBB-së në vit.

Ai më pas tha se “kjo provincë e re e naftës dhe gazit” në Gadishullin Taimyr, pjesa më veriore e Azisë, do të ketë burime prej rreth pesë miliardë tonë naftë dhe se 10 trilionë rubla ose 132 miliardë euro do të investohen në të.

Projekti parashikon ndërtimin e pesëmbëdhjetë “fshatrave”, dy aeroporte, një port dhe krijimin e 130,000 vendeve të punës. Sechin tha se i duheshin më shumë se 400,000 njerëz për këtë.

Rosneft njoftoi javën e kaluar shitjen e dhjetë përqind të aksioneve të projektit te kompania Singaporean Trafigura, por nuk specifikoi shumën. Kompania deklaroi më herët se India është gjithashtu e interesuar për këtë projekt.

Sechin pretendon se 50 milionë tonë naftë do të prodhohen çdo vit në fillim, e pastaj dy herë më shumë. Ai premtoi se deri në vitin 2024, 30 milionë tonë do të transportoheshin nga një rrugë që e lidh Oqeanin Atlantik dhe Paqësor, të njohur si Kalimi Verilindor ose Rruga e Detit Verior. 

(Kosova Sot Online)