Daut Haradinaj: Ushtarët e Kosovës janë të rreshtuar krah Amerikës e NATO-s
Shefi i Grupit Parlamentar të Aleancës për Ardhmërinëë e Kosovës (AAK), Daut Haradinaj, në Ditën e Forcës ka thënëë se Kosova me ushtarët e saj janë të rreshtuar krah Amerikës dhe NATO-s.
“Kosova me ushtarët e saj të rreshtuar krah Amerikës dhe NATO-s, sot po e feston ditën e saj. Urime!”, ka shkruar Haradinaj në Facebook.
Në ndërkohë sot në Kosovë është shënuar Dita e Forcës.
Më 14 dhjetor të 2018 Kosova ka formuar ushtrinë e saj.
Asokohe deputetët e Kuvendit të Kosovës me 107 vota për, asnjë kundër dhe një abstenim kanë miratuar Projektligjin për Ministrinë e Mbrojtjes.
Deputetët e Kuvendit të Kosovës me 107 vota për miratuan Projektligjin për Forcën e Sigurisë së Kosovës. Ky projektligj u votua me 45 amendamentet e propozuara.
Deputetët e Kuvendit të Kosovës me vota 107 pro votuan Projektligjin për shërbim në Forcën e Sigurisë së Kosovës.
Këto tri ligje mundësojnë transformimin e FSK-së në Ushtri.
Me këto ligje parashihet që Forca e Sigurisë së Kosovës të zhvillohet si një forcë me kompetenca dhe detyra të reja, organizim dhe funksionim të ri dhe kalimi i Ministrisë së FSK-së në Ministri të Mbrojtjes.
https://www.facebook.com/DautHaradinaj/posts/3404396782946759
(Kosova Sot Online)