Lexoni edhe:
Pse KQZ e lejoi Etem Arifin të kandidojë për deputet, shpjegon Valdete Daka
Avokati Berisha: Vota e Arifit për votimin e Qeverisë Hoti s’ishte vota e parë e tij
Përfaqësuesi i Qeverisë së Kosovës, avokati Besnik Berisha, në seancën dëgjimore lidhur me ligjshmërinë e votës së deputetit Etem Arifi ka thënë se nuk ka logjikë juridike dhe mbështetje kushteuese të vendoset pro ankesës së Lëvizjes Vetëvendosje për ta shpallur të pavlefshme votën e Arifit dhe rrëzimin e Qeverisë.
Berisha ka thënë se nuk po e kupton se cilin proces po e sfidon Lëvizja Vetëvendosje.
“Kam vështirësi ta gjej në kërkessën e tyre nëse këta po e sfidojnë vendimin për certifikim e tij, si kandidat për deputet, apo po e sfidojnë aktgjykimin e Gjykatës Supreme të cilit iu referua zonja Daka si praktikë tashmë e konsoliduar, apo po e sfidojnë vendimin për votimin e Qeverisë Hoti… Nuk ka logjikë juridike, nuk ka mbështetje kushtetuese që dikush ta kontestojë certifikimin e tij një vit më pas”, ka thënë Berisha.
Ai ka kujtuar se vota e Arifit më 3 qershor për votimin e Qeverisë, “nuk është vota e parë e tij”.
“Është e parëndësishme se kur ai ka shkuar në burg”, ka thënë Berisha, duke shtuar se nuk po diskutohet pastërtia e deputetit. Sipas tij, çështja e certifikimit të deputetit Arifi është çështje tjetër që s’ka të bëjë me rrëzimin apo jo të Qeverisë
(Kosova Sot Online)
