Biden: Unë do të vaksinohem publikisht pasi Fauci thotë se është e sigurt

  • E.K /
  • 04 dhjetor 2020 - 11:01
Biden: Unë do të vaksinohem publikisht pasi Fauci thotë se është e sigurt

Presidenti i zgjedhur amerikan Joe Biden tha se e ka ftuar infektologun kryesor amerikan Anthony Fauci të vazhdojë të bëjë punën e tij dhe të jetë këshilltari kryesor mjekësor në ekipin e administratës së re për luftën kundër covid-19.

“Unë i kërkova atij të qëndronte në të njëjtën pozitë që mbajti për disa presidentë të fundit dhe i kërkova që të ishte këshilltari im kryesor mjekësor, si dhe pjesë e ekipit anti-kovid”, tha Biden, i cili do ta marrë pozitën e presidentit më 20 janar.

Ai gjithashtu tha se do ta merrte vaksinën, pasi Fauci tha se ishte e sigurt dhe shtoi se do të vaksinohej publikisht, raporton Reuters.

“Është e rëndësishme t’u shpjegohet qytetarëve amerikanë se është e sigurt”, tha presidenti i ardhshëm i Shteteve të Bashkuara.

Ai deklaroi se kur të marrë detyrën, ai do të lëshojë një dekret mbi mbajtjen e detyrueshme të maskave në shërbimet federale dhe transportin publik midis shteteve, të tilla si aeroplanë dhe autobusë.

“Do t’u kërkoj qytetarëve që të mbajnë maska ëpër 100 ditë. Jo përgjithmonë, 100 ditë “, tha Biden.

(Kosova Sot Online)