Publikohen fotografi nga vendi në Serbi ku u gjetën mbetje mortore

Janë duke vazhduar gërmimet në Kizhevak të Serbisë për mbetjet mortore të disa personave që dyshohet të jenë të personave që janë vrarë gjatë luftës së fundit në Kosovë.

Drejtori i Institutit të Mjekësisë Ligjore të Kosovës, Arsim Gërxhaliu, ka konfirmuar se deri dje kanë zbuluar pesë varreza.

Gazetari Idro Seferi ka publikuar edhe një fotografi ku shihen ekspertët e forenzikës duke gërmuar varrin masiv ku dyshohet të jenë trupat e shqiptarëve të vrarë gjatë luftës.

Lexoni edhe:

Televizioni gjerman transmeton në gjuhën serbe reportazhin për 1638 personat e zhdukur në Kosovë

Ndryshe, një muaj më parë, prej kur është zbuluar kjo varrezë masive, me ndihmën e fotografimeve të Kryqit të Kuq, atje po qëndrojnë ekspertë nga Kosova të cilat kanë marrë pjesë gjatë procesit të zhvarrimit të mbetjeve mortore.

Nga aty delegacioni i Kosovës, të premten ka bërë thirrje për mos-politizim, duke shtuar se ekzistojnë dyshime se ka edhe shumë varreza masive në territorin e Serbisë.

(Kosova Sot Online )