Grabitje në Prishtinë, Policia jep detaje

  • E.K /
  • 05 dhjetor 2020 - 10:19
Grabitje në Prishtinë, Policia jep detaje

Një grabitje ka ndodhur rreth një orë më parë në rrugën “Bill Klinton” në Prishtinë.

Një shumë e parave është vjedhur në një një filiale të një kompanie për shërbime të shpejta të transferimit të parave dhe shërbimeve të pagesave.

Lajmin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

“Rreth orës 09:00 kemi pranuar informatën për një grabitje të ndodhur në në rrugën Bill Klinton në Prishtinë, në një filiale të një kompanie për shërbime të shpejta të transferimit të parave dhe shërbimeve të pagesave. Me të marrë informatën policia ka dalë në vendin e ngjarjes dhe mbështetur në informacionet e para dyshohet që një person i dyshuar i armatosur nën kërcënimin e armës ka grabitur nga aty një shumë të parave. Aktualisht ka filluar ndërmarrja e veprimeve të nevojshme me fokus zbardhjen e rastit dhe identifikimin e të dyshuarve të mundshëm”, tha Ahmeti.

(Kosova Sot Online)