Lexoni edhe:
Qeveria ia ndan MSH’së rreth 8 milionë euro për blerje të pajisjeve mjekësore për COVID-19
Eliot Engel mban seancën e fundit për Ballkanin, ka një dedikim për Kosovën
Kongresisti amerikan dhe miku i madh i Kosovës, Eliot Engel, të martën e udhëhoqi seancën e fundit dëgjimore për Ballkanin. Me këtë rast, ai ia kushtoi disa fjalë zemre Kosovës.
“Sot e udhëhoqa seancën e fundit dëgjimore për Ballkanin. Kam luftuar për liri, pavarësi dhe drejtësi për popullin e Kosovës që nga koha kur për herë të parë erdha në Kongres. Kosova gjithmonë do të ketë një vend të veçantë në zemrën time”, tha ai.
Fjalët e kongresistit Engel i citoi faqja zyrtare e Komisionit të Dhomës së Përfaqësuesve për Punët e Jashtme në Tëitter.
Në postimin është bashkëngjitur edhe një link që tregon pse Engel është shumë i lidhur me Kosovën dhe pse respektohet aq shumë në vendin tonë.
Aty thuhet se emrin e Eliot Engel e mbajnë rrugët në Kosovë, ndërsa figura e tij është e shtypur në pullat postare.
Engel ishte një ndër ligjvënësit e parë amerikanë që i kishte bërë thirrje administratës së ish-presidentit Clinton për të ndërhyrë me ushtri në Kosovë kundër forcave jugosllave të Sllobodan Millosheviqit.
Më vonë, ai gjithashtu i bëri thirrje qeverisë amerikane që ta njohë pavarësinë e Kosovës më 2008.
Chairman @RepEliotEngel: Today, I chaired my last hearing on the Balkans. I’ve been fighting for the freedom, independence and justice for the people of Kosovo since I first got to Congress.
— House Foreign Affairs Committee (@HouseForeign) December 8, 2020
Kosovoë will always hold a special place in my heart.https://t.co/8ghy03sWAf
(Kosova Sot Online)
