Lexoni edhe:
Ish agjenti i SHIK-ut Miftari : " A ËSHTË SHNDËRRUAR AKI...VËRTETË KOMPLET NË NJË ORGANIZATË E PËRBASHKËT KRIMINALE E KRIMIT TË ORGANIZUAR NË KOSOVË ? "
Netanyahu thotë se do ta marrë i pari në Izrael vaksinën kundër COVID-19
Kryeministri i Izraelit, Benjamin Netanyahu, ka thënë se do të jetë personi i parë që do ta marrë vaksinën e kompanisë “Pfizer” kundër koronavirusit, posa ajo të arrijë në aeroport.
“Unë besoj në këtë vaksinë. Pres që ajo do t’i marrë lejet e duhura ditëve në vijim dhe dëshiroj që të gjithë qytetarët e Izraelit të vaksinohen”, tha kryeministri izraelit.
“Për ta bërë këtë, dua të shërbej si shembull për ta dhe synoj të jem i pari në shtetin e Izraelit që do të vaksinohem me ketë vaksinë”, shtoi ai.
Megjithatë, në kohën kur numri i rasteve po vazhdon të rritet në Izrael, Netanyahu paralajmëroi se pandemia nuk ka përfunduar dhe i nxiti të gjithë që ta respektojnë distancën sociale, shkruan CNN.
“E shohim fundin. Ende kemi nevojë t’i ndjekim rregullat sa u përket maskave, duarve dhe distancës, por fundi është në horizont. Ajo që është më e rëndësishme për mua është që miliona izraelitë do të vaksinohen”, tha Netanyahu.
(Kosova Sot Online)
