Lexoni edhe:
OBSh-ja tregon tre shkaktarët kryesorë të vdekjes së njerëzve më 2019
Raportuesja për Shqipërinë: Jam e shqetësuar për shoqërinë civile, të ruhet marrëveshja e 5 qershorit
Raportuuesja për Shqipërinë në PE, Isabel Santos ka prezantuar draft-raportin për Shqipërinë, i cili edhe mund të ndryshohet pasi të plotësohet me informacione shtesë
Santos ngre disa shqetësime për Shqipërinë kur shprehet:” Jam e shqetësuar për shoqërinë civile, pjesëmarrjen e saj në proceset politike. Duhet të përfshihet. Të vijojë reforma kundër korrupsionit e krimit të organizuar, të përfundohet Reforma në Drejtësi. Shumë gjëra për të punuar. Të gjitha forcat politike duhet të përfshihen në normalizimin e jetës politike në vend.”
Raportuuesja për Shqipërinë gjithashtu bën thirrje që: “Të krijohen kushtet që brezi i ri të qëndrojë. Ka shumë nga ata që kanë shprehur dëshirën për t’u larguar, apo janë larguar. Të krijohen mundësitë që ata të rikthehen. Shqipëria duhet të përmbushë të gjitha kushtet që ne i kemi vendosur.”
FJALA E ISABEL SANTOS NË PARLAMENTIN EUROPIAN
Dua ta nis prezantimin duke theksuar rrethanat ku ndodhemi tashmë, ndodhemi në pandemi, situatë të vështirë. Nuk kemi patur mundësi të kemi lidhje të drejtpërdrejtë me vendet që përfaqësojmë. Do e bëjmë këtë pasi të kalojmë këtë vështirësi.
Do vazhdojmë punën me delegacionin e Shqipërisë dhe BE, me amabasadorin Soreca. Dua të falënderoj ata që kanë punuar ngushtë me stafin tim që të prezantoj këtë draft-raport në kohën e duhur. Faleminderit për informacionin. Është draft fillestar. Sikur ndodh ka mundësi të ndryshohet sërish, do ketë disa ndryshime. Për shkak të disa kufizimeve s’kam pasur mundësi të sjell të gjitha faktet. Ky tekst do jetë më substancial në vazhdim.
Patjetër që jemi përqëndruar tek reformat. Në fakt nuk ka ndryshime thelbësore me të tjerat, pikëpamjet tona s’kanë ndryshuar me ato që kemi thënë më parë. Në draft-raportin tim, kam ndjekur edhe pikëpamjet e KE.
Kërkesat që ka bërë KE duhet të plotësohen. Kam edhe shqetësime që i kam prezantuar në raport. Jam e shqetësuar për shoqërinë civile, pjesëmarrjen e saj në proceset politike. Duhet të përfshihet. Të vijojë reforma kundër korrupsionit e krimit të organizuar, të përfundohet Reforma në Drejtësi. Shumë gjëra për të punuar. Të gjitha forcat politike duhet të përfshihen në normalizimin e jetës politike në vend.
E ardhmja e vendit, popullsi e re dhe e talentuar. Të krijohen kushtet që brezi i ri të qëndrojë. Ka shumë nga ata që kanë shprehur dëshirën për t’u larguar, apo janë larguar. Të krijohen mundësitë që ata të rikthehen. Shqipëria duhet të përmbushë të gjitha kushtet që ne i kemi vendosur.
Pavarësisht kushteve të pandemisë, Shqipëria ka punuar shumë për të plotësuar kushtet. U bë një marrëveshje e 5 qershorit që duhet të ruhet, në të mirë të vendit, për të pasur sa më shumë përfitime dhe vetë Shqipërinë. Dëshira e tyre për t’u bërë pjesë e BE është e madhe. Jam tashmë e interesuar çfarë do thonë kolegët për Shqipërinë.
(Kosova Sot Online)
