Lexoni edhe:
147 pacientë me COVID-19 po trajtohen në Spitalin e Pejës
Presidenti i Turqisë, Rexhep Erdogan, tha të enjten se nuk ka mëri ndaj popullit të Armenisë, por problemi është me udhëheqësinë e këtij shteti.
Duke folur në një konferencë të përbashkët me gazetarë me homologun azer, Ilham Aliyev, Erdogani tah se nuk ka probleme me popullin armen dhe se vendi i tij mund ta hapë kufirin me Armeninë, nëse vendi fqinj bën hapa drejt paqes rajonale.
147 pacientë me COVID-19 po trajtohen në Spitalin e PejësLexoni edhe:
“Nuk kemi mëri kundër popullit të Armenisë. Problemi është me administratën armene. Mbi 100.000 armenë jetojnë në shtetin tim”, tha ai.
Sidoqoftë, Turqia e ka përkrahur ushtarakisht Azerbajxhanin gjatë konfliktit me Armeninë, sidomos përmes ofrimit të dronëve të avancuar luftarakë, të cilët u përdorën për vrasjen e qindra ushtarëve e shkatërrimin e shumë makinerive ushtarake të Armenisë.
Presidenti turk e kritikoi Grupin e Minskut të OSBE-së për mungesën e një zgjidhjeje për konfliktin që filloi para gati 30 vjetëve.
Njëkohësisht, ai e çmoi rolin e Rusisë për t’u dhënë fund përleshjeve kufitare mes Azerbajxhanit dhe Armenisë muajin e kaluar, shkruan Anadolu.
Ai e komentoi edhe rezolutën e Asamblesë Kombëtare të Francës, me të cilën kërkohet njohja e Nagorno-Karabakut si shtet i pavarur. “As Pashinyani (kryeministri armen) nuk e pranon atë”, tha Erdogani, duke shtuar se Makroni ende nuk e ka mësuar politikën.
Sipas tij, administrata e Azerbajxhanit do të sjellë një epokë të përparimit në Karabak brenda një periudhe prej 3 deri në 5 vjetësh.
(Kosova Sot Online)