Lexoni edhe:
Ardian Shala i LDK’së, deputeti më i përgjegjshëm
215 mijë kosovarë kanë aplikuar deri tani për tërheqjen e 10 % nga Trusti
Zëdhënësi i Fondit të Kursimeve Pensionale, Jeton Demi, ka treguar se presin deri në 500 mijë persona që të aplikojnë për tërheqjen e 10 përqindëshit të kursimeve të tyre derisa njoftoi që deri më tani aplikuan 215 mijë.
Demi foli edhe për problemet që pati Trusti me të nisë aplikimet.
“Në momentet e fundit është marrë vendim që të hapet një uebfaqe tjetër dhe kjo ka qenë zgjidhje e momentit. S’ka pasë hakim, ka pasë kujdes dhe masa parandaluese. Është tentuar që ato elemente të sigurisë të viheshin në funksion në adresën e parë, por kur e pamë që po vonohet dhe donim të ishim korrekt e gjetëm zgjidhjen më të mirë që të dalim në adresë tjetër me siguri më të lartë. Ia kemi dalë mbanë dhe siguria është prioritet absolut dhe kjo del mbi atë premtimin që e dhamë në fillim me faqën e parë”.
Demi në Edicionin Special ka thënë se edhe tani po hasin në pengesa që nuk i pritën.
“Ka mijëra të tjerë që s’kanë arritur të aplikojnë me adresat e llogarive bankare që do të gjejmë zgjidhje në ditët në vijim”.
“Vala e parë ka përfunduar dhe nuk do të ketë më kaq vrull. Pritjet tona janë që deri në 500 mijë vetë do të aplikojnë dhe gati gjysma ka mbaruar vetëm sot”.
Faqja ku kursimtarët mund të shohin pasqyrën e tyre nuk do të jetë aktive për gati një javë dhe sipas Demit kjo po ndodh meqë nuk po mund të punohet me dy faqe paralelisht.
Zëdhënësi i Trustit njoftoi se paratë mund të merren edhe pas shtatë ditëve, por si datë të fundit e kanë vendosur 23 dhjetorin – datë që po shfaqet pasi po kryhet aplikimi.
Kur paratë të transferohet në llogaritë bankare nuk do të ketë tatime, por për provizioni do të vendosin bankat përkatëse.
Demi tregoi që ka aplikues që kanë llogaritë e tyre në një bankë të caktuar dhe s’po mund të kryejnë procesin, por për këtë ai tha se do të gjendet zgjidhja.
(Kosova Sot Online )
