Lexoni edhe:
Tërmeti i fuqishëm tronditi qytetarët gjatë kohës që po shikonin eklipsin diellor
Zbulohet ‘variant i ri’ i Covid, deri tani ka infektuar mbi 1000 persona
Sekretari i Shëndetësisë së Britanisë, Matt Hancock tha se të paktën 60 autoritete të ndryshme lokale kishin regjistruar infeksione Covid të shkaktuara nga varianti i ri i koronavirusit që është zbuluar dhe po rritet më shpejt në disa pjesë të Anglisë.
Ai tha se Organizata Botërore e Shëndetësisë ishte njoftuar dhe shkencëtarët e Mbretërisë së Bashkuar po bënin studime të hollësishme. Ai tha se nuk kishte “asnjë sugjerim” që virusi shkakton sëmundje më të rëndë dhe se vaksinat nuk do të funksiononin më.
Ai u tha deputetëve në Dhomën e Komuneve se gjatë javës së fundit, kishte pasur rritje të mprehta, eksponenciale të infeksioneve të koronavirusit në të gjithë Londrën, Kent, pjesë të Essex dhe Hertfordshire.
“Ne kemi identifikuar aktualisht mbi 1.000 raste me këtë variant kryesisht në Jug të Anglisë megjithëse rastet janë identifikuar në gati 60 zona të ndryshme të autoritetit lokal.
Ne nuk e dimë shkallën në të cilën kjo është për shkak të variantit të ri, por pa marrë parasysh shkakun e saj, ne duhet të ndërmarrim veprime të shpejta dhe vendimtare, të cilat fatkeqësisht janë absolutisht thelbësore për të kontrolluar këtë sëmundje vdekjeprurëse ndërsa vaksina është shpërndarë.”
Prof Alan McNally, ekspert në Universitetin e Birmingham, tha se laboratorët e testimit në Mbretërinë e Bashkuar kishin marrë këtë variant të ri javët e fundit.
Ai i tha BBC: “Le të mos jemi histerikë. Kjo nuk do të thotë se është më e transmetueshme ose më infektive ose e rrezikshme.Është diçka që duhet vëzhguar”.
“Përpjekje të mëdha janë duke vazhduar për të karakterizuar variantin dhe për të kuptuar shfaqjen e tij. Është e rëndësishme të mbash një perspektivë të qetë dhe racionale mbi llojin pasi ky është evolucion normal i virusit dhe ne presim që variante të reja të vijnë e të shkojnë dhe të shfaqen me kalimin e kohës”.
(Kosova Sot Online)
