Lexoni edhe:
Pandemia globale rrezikon globin, qytetarët kosovar peng të politikës edhe në shtetin pa sigurime shëndetësore
Një vajzë ruse është arrestuar nën dyshimin se ka vrarë nënën e vetë duke i nxjerrë zemrën dhe organe të tjera nga trupi ndërkohë që ajo ishte akoma gjallë, raporton “DailyMail”.
E dyshuara, është një studente e mjekësisë, dhe e sulmoi nënën e vetë 40 vjeçe me thikë kuzhine, dhe më pas i nxori organet e brendshme përfshirë mushkëritë.
Anna Leikovic, 21 vjeçe, më pas bëri dush qetësisht dhe doli të takohej me të dashurin. Vajza është e vetmja e dyshuar për krimin.
Ajo në fillim e theri nënën e vetë me thikë kuzhine, dhe pasi ajo mbeti e shtrirë në tokë, Anna vendosi ti nxjerrë zemrën nënës së vetë teksa ajo po vdiste.
Studentja u arrestua të nesërmen e incidentit. Në një video të siguruar nga mediat lokale, Anna shihet teksa është shtrirë në stolin e sallës së gjykatës dhe pastron thonjtë.
Më pas pasi hy gjykatësi brenda, ajo ngrihet në këmbë dhe hipë mbi stol. Teksa njëri nga gazetarët e pyet se a e kishte vrarë nënën e vetë, ajo përgjigjet duke qeshur në zë.
Raportet thonë se nëna e vetë, Praskovya Leikovic,kishte qenë duke punuar në Gjermani, dhe pasi u kthye në shtëpi kishte dyshime se vajza e vet ishte duke abuzuar me drogë.
Pasi e konfrontoi të bijën dhe kërkoi ndihmë profesionale për vajzën e vetë, Anna u nevrikos shumë.
Xhaxhai i vajzës u shpreh se Praskovya e donte shumë të bijën dhe se ata ishin një familje shumë e mirë, prandaj ishte shumë e vështirë për të për të besuar se kjo gjë kishte ndodhur me të vërtetë.
Ai tha se u desh të kërkonte përgjigje nga policia për 2 orë të tëra në lidhje me çfarë kishte ndodhur deri sa ata i treguan se e dyshuara ishte Anna.
(Kosova Sot Online)