Lexoni edhe:
Osmani: Kuvendi i Shqipërisë duhet të marrë qëndrim për krimet e Serbisë në Kosovë
Raportet nuse-vjehërr, deputetja Deliu reagon për këngën e Shkurte Fejzës
Deputetja e Partisë Demokratike të Kosovës (PDK), Blerta Deliu-Kodra ka reaguar pas publikimit të këngës më të re nga Shkurta Fejza me të bijën Gresa Behluli.
Ajo ka thënë se gjuha seksiste dhe abuzive është një diskurs i përgjithshëm publik që nxit përçmim ndaj grave.
Deliu poashtu ka bërë thirrje që të mos promovohen përmbajtjet që kultivojnë gjuhë përçmuese dhe abuzive ndaj grave.
Postimi i plotë:
Gjuha seksiste, abuzive dhe një diskurs i përgjithshëm publik që nxit përçmim ndaj grave është shumë i theksuar, për të mos thënë dominant në shoqërinë tonë dhe kjo gjendje shqetësuese nuk është aspak temë për argëtim!
“Gratë e fuqishme fuqizojnë gratë”!
Ky duhet të jetë parimi udhëheqës për gratë, të cilat kanë ndikim në shoqëri. Duhet ta shfrytëzojnë influencën dhe rolin e tyre në shoqëri për të promovuar vlerat e barazisë duke luftuar stereotipet dhe gjuhën përçmuese e abuzive ndaj grave dhe jo anasjelltas.
Në anën tjetër, lus mediat që të mos promovojnë asnjë përmbajtje që kultivon gjuhë përçmuese e abuzive ndaj grave.
https://www.facebook.com/blerta.deliu/posts/4911351945602814
(Kosova Sot Online)
