Lexoni edhe:
Maloku i kërkon Isa Mustafës ta lëshojë LDK’në: Koha me ecë është Isë
Kryeministri Hoti i ka kërkuar shefit të AKI’së, Kreshnik Gashit, largimin nga detyra pas rastit të hapjes së kasafortës në Presidencë.
Siç mëson gazeta, Hoti, duke u bazuar në një dokument që i është dërguar në zyrë të tij, e ka thirrur Gashin dhe i ka kërkuar të japë dorëheqje. Dokumentin ia ka dërguar inspektori i Përgjithshëm i AKI’së, Burim Ramadani, që është njeri i AAK’së, që ka mbajtur pozita politike deri vitin e kaluar.
Shefi i Agjencisë Kosovare të Inteligjencës nuk ka pranuar të japë dorëheqje, pasi nuk e ka parë vetën përgjegjës për rastin e hapjes së kasafortës në Presidencë, pasi Prokuroria Speciale nuk ka gjetur elemente të veprës penale në atë rast.
Maloku i kërkon Isa Mustafës ta lëshojë LDK’në: Koha me ecë është IsëLexoni edhe:
Prokuroria Speciale ka nisur hetime lidhur me kasafortën dhe i ka thënë Televizionit 7 ditë më parë se “nga hetimet preliminare që janë bërë nuk janë gjetur elemente të veprës penale”.
Qeveria e Kosovës nuk i ka treguar Expressit arsyet e largimit, duke thënë se krejt çfarë kanë për të njoftuar, e kanë thënë në komunikatën për kërkesën për largim të shefit të inteligjencës.
Njoftimi i Hotit për largimin e Gashit ka vetëm një fjali, pa asnjë informatë rreth arsyes pse u kërkua largimi i tij.
Ndryshe, ditë më parë, mediat, duke u thirrur në burime, kanë raportuar se një kasafortë në Presidencë, është tentuar të hapet pak orë pasi presidenti Hashim Thaçi u mor për në Hagë.
Presidenca e ka njoftuar policinë, ndërsa pastaj rasti ka kaluar në Prokurorinë Speciale të Kosovës, e cila ka konstatuar se nuk ka elemente të veprës penale.
Më 25 nëntor të vitit 2019, Kreshnik Gashi ishte emëruar në postin e drejtorit të Agjencisë së Kosovës për Inteligjencë përmes një bashkëpunimi ndërmjet atëherë kryeministrit në detyrë, Ramush Haradinaj dhe ish-presidentit Hashim Thaçi, kur Albin Kurti po priste të bëhej kryeministër, pasi partia e tij kishte dalë e para në zgjedhjet e 6 tetorit.
(Kosova Sot Online)