Tinka Kurti thotë se po diskriminohet me zëvendësimet në Kuvend

Kandidatja për deputete nga radhët e Lëvizjes Vetëvendosje, Tinka Kurti është ankuar për zëvendësimet e deputetëve në Kuvend të Kosovës nga radhët e partisë së saj.

Ajo thotë se zëvendësimi që është bërë sot ku Taulant Kryeziu u bë deputet në vend të Shpejtim Bulliqit do të thotë se një kandidate ka vota më shumë se tre deputetë të Kuvendit.

Lexoni edhe:

Trusti del me datë të saktë se kur dalin paratë

Kjo sipas saj është diskriminim që po iu bëhet nga shteti.

“Me zëvendësimin e fundit i bjen që një kandidate ka vota më shumë se tre deputetë. Tash bëhemi dy kandidate që kemi vota më shumë se tre kolegët tonë burra. Herën e fundit ishte gjithashtu një grua në radhë me vota, ish – deputetja Drita Millaku. Kjo do ta bënte grupin tonë parlamentar me 40% deputete.

Një hap para është bërë. Qytetarët kanë votu. Diskriminimi është prej shtetit. Shteti është mbrapa dhe i mbrapshtë”, ka thënë Kurti.

https://www.facebook.com/tinka.kurti.3/posts/10224773482714616

(Kosova Sot Online)