Lexoni edhe:
Hajnat në aksion, për dhjetë minuta grabitën dy banka
Gjykata amerikane: Burri ka të drejtë për kompensim nga prindërit që ia shkatërruan videot për të rritur
Një gjykatës amerikan në Michigan ka vendosur që një burrë 42 vjeç mund të kërkojë dëmshpërblim nga prindërit e tij për shkatërrimin e koleksionit të videove pornografike.
David Ëerking, i cili jetonte me prindërit pas ndarjes nga gruaja, i paditi ata për shkatërrimin e videove, për të cilat pretendon se e kishin vlerën e më shumë se 25.000 dollarëve.
Prindërit e tij thanë në gjykatë se e kishin paralajmëruar djalin e tyre që të mos i sillte këto materiale në shtëpinë e tyre, shkruan BBC.
Sidoqoftë, gjykatësi tha se, as si pronarë të shtëpisë, prindërit e këtij burri nuk kanë pasur të drejtë që t’i hedhin në mbeturina materialet që kanë qenë në pronësi të të birit.
Sipas burrit që e paraqiti padinë, koleksioni i materialeve ishte i gjerë dhe i pazëvendësueshëm dhe përbëhej nga revista dhe filma.
Pas vendimit të gjykatës, avokatja e prindërve të paditur nga i biri tha se është duke punuar për ta vlerësuar vlerën e dëmit dhe se ka angazhuar një ekspert të Muzeut të Trashëgimisë Erotike në Nevada për ta ndihmuar në këtë proces.
(Kosova Sot Online)
