Lexoni edhe:
KQZ: Nuk kemi mjete buxhetore të planifikuara për zgjedhjet
Nënkryetari i Lidhjes Demokratike të Kosovës, Haki Rugova ka thënë se ende s’janë takuar dhe s’kanë diskutuar lidhur me aktgjykimin e Gjykatës Kushtetuese që e rrëzoi Qeverinë e udhëhequr nga ky subjekt politik.
Rugova tha se ai as nuk e ka parë ende aktgjykimin, ndërsa shtoi se deri nesër nuk do të merren me të.
KQZ: Nuk kemi mjete buxhetore të planifikuara për zgjedhjet Lexoni edhe:
“As që e kemi diskutuar. As s’jemi taku, as s’e kemi diskutu. Deri nesër nuk do të merremi me vendimin. Çka ka me të thënë unë. As që e kam pa aktgjykimin”, tha Rugova.
Ai tha se pret që aktgjykimi të dorëzohet zyrtarisht në selinë e LDK-së dhe pastaj të analizohet e diskutohet, para se të dalin me ndonjë qëndrim si parti.
“Aktgjykimi dorëzohet zyrtarisht, e merr, e këqyrë, mblidhen strukturat partiake, e diskutojnë, e analizojnë ekspertët, e atëherë dalim me një qëndrim politik”, tha Rugova.
Ai tha se ndodhet në Istog dhe se “s’e di a e kanë çu zyrtarisht” aktgjykimin në LDK. “Sigurisht s’e kanë çu. Pyete administratën e LDK-së, sekretarin e LDK-së…”, shtoi Rugova.
Qeveria e Kosovës u rrëzua të hënën në mbrëmje pas një aktgjykimi të Gjykatës Kushtetuese, e cila e shpalli në kundërshtim me Kushtetutën zgjedhjen e ekzekutivit, më 3 qershor.
Gjykata Kushtetuese vendosi se vota e deputetit Etem Arifi – i cili është i dënuar me burgim – për formimin e Qeverisë së udhëhequr nga Avdullah Hoti ishte e pavlefshme.
Lëvizja Vetëvendosje i është gëzuar më së shumti këtij vendimi që u dha të drejtë pretendimeve të paraqitura nga ky subjekt politik në Kushtetuese në korrik. Partia Demokratike e Kosovës po ashtu u shpreh se e mirëpret këtë aktgjykim. Përafërsisht njësoj u deklarua edhe Behgjet Pacolli, kryetar i Aleancës Kosova e Re, ndërsa partitë e koalicionit qeverisës s’janë deklaruar ende zyrtarisht.
Ushtruesja e detyrës së presidentit, Vjosa Osmani, në orën 13:00 do t’i mbledhë në takim partitë politike për t’u dakorduar për datën e zgjedhjeve të reja të jashtëzakonshme, të cilat duhet të mbahen jo më vonë se 40 ditë nga shpallja e tyre.
(Kosova Sot Online)