Lexoni edhe:
Adri Nurellari: Kurti e Osmani s’kanë të drejtë të kandidojnë në zgjedhje
“Praktikantet 16-vjeçare në QKMF po kushtëzohen me dreka dhe darka”, Kuqi reagon ndaj asamblistit
Drejtoresha për Shëndetësi në Komunën e Suharekës, Besa Kuqi, ka reaguar pas deklaratave të asambleistit Bashkim Ndrecaj, i cili tha se po keqpërdoret detyra nga një pjesë e stafit në Qendrës Kryesore të Mjekësisë Familjare, meqenëse, sipas tij, praktikanteve 16-vjeçare po iu kërkojnë të dalin në dreka dhe darka.
Përmes një postimi në llogarinë e saj në Facebook, Kuqi ka thënë se këto pretendime të asambleistit do të merren me konsideratë të lartë nga ana e saj.
“Pretendimet e asambleistit të pavarur z.Bashkim Ndrecaj sot në mbledhjen e Asamblesë Komunale për keqperdorim te detyres nga ana e stafit në QKMF-Suharekë do te merren me konsideratë te lartë dhe me pergjegjesi të madhe nga ana ime si Drejtoreshë. Nuk do të lejojmë askend të sfidojë vendin e shenjët te punës dhe institucionin asnjëher, sidomos JO në këtë situatë kur po ballafaqohemi me pandeminë kur qytetari ka nevoje më së shumti për sherbime mjekësore”, ka shkruar Kuqi.
Ajo ka paralajmëruar se ata që keqpërdorin detyrën do t’i dërgojnë në Komisionin Disiplinor dhe se do të ju japin dënimin e merituar sipas ligjit.
“Të papergjegjëshmit do ti dërgojmë në Komisionin Disiplinor, dhe do të ju japim denimin e merituar sipas ligjit kush do qofshin ata padallim ata qe perbuzin vendin e punës dhe nuk respektojnë rregullat e punës në Institucion”, ka shkruar Kuqi.
https://www.facebook.com/besa.kuqi.87/posts/2063516060449493
(Kosova Sot Online)
