Lexoni edhe:
PDK: LDK’ja dështoi njëjtë si VV’ja në mbrojtjen e sovranitetit të vendit
Nagavci: Mundësia e vetme e VV’së për bashkëpunim është subjekti i Vjosa Osmanit
Nënkryetarja e Kuvendit nga radhët e Lëvizjes Vetëvendosje, Arbërie Nagavci deklaroi se mundësia e vetme e VV’së për bashkëpunim është subjekti i Vjosa Osmanit.
Sipas saj, koalicionet në të kaluarën janë bërë për aryse se “subjektet politike me çdo kusht kanë dashur të jenë në pushtet”.
“Ne jemi të bindur që VV jo vetëm që do të jetë fituese e zgjedhjeve por do të jemi dukshëm përpara të tjerëve. Do të kemi një shumicë të konsoliduar”, tha Nagavci,
“Në situatën në të cilën jemi, preferencat tona, apo mundësitë që i kemi para vetës është bashkëpunimi eventual me Vjosa Osmanin”, shtoi ajo.
“Për çdo bashkëpunim tjetër, me cilindi subjekt tjetër, përfshirë subjektet që kanë qeverisur nuk i kemi diskutuar asnjëherë dhe unë nuk besoj që kemi nevojë për ta diskutuar”, theksoi Nagavci.
(Kosova Sot Online)
