Lexoni edhe:
Mërgimtarit ia mbishkruajnë “gërrnaç” në xham veç pse nuk e lau veturën
Masakra për motive etnike në Etiopi, shkon në 222 numri i viktimave
Numri i viktimave nga sulmi i së mërkurës në rajonin perëndimor Benishangul-Gumuz të Etiopisë ka shkuar në 222 persona, i tha një vullnetare nga Kryqi i Kuq i vendit të premten Reuters.
Sulmi ndodhi në fshatin Bekoji në qarkun Bulen në zonën Metekel dhe Komisioni Etiopian i të Drejtave të Njeriut i caktuar nga shteti vlerësoi fillimisht se më shumë se 100 njerëz ishin vrarë.
Më shumë se 40,000 njerëz u larguan nga shtëpitë e tyre për shkak të luftimeve, tha zëdhënësi i qarkut Bulen Kassahun Addisu. Sulmi i së mërkurës nga persona të armatosur të paidentifikuar ishte sulmi i fundit vdekjeprurës në një zonë të shkatërruar nga dhuna etnike.
Kryeministri Abiy Ahmed e quajti sulmin një “masakër” dhe vendosi trupa federale atje të nesërmen, raporton Reuters.
Etiopia ka qenë duke u ndeshur me shpërthime të dhunës vdekjeprurëse që kur Abiy u emërua në 2018 dhe përshpejtoi reformat politike që lehtësuan kontrollin e hekurt të shtetit në rivalitetet rajonale.
(Kosova Sot Online)
