Lutfi Haziri i ka dy fjalë për Vjosa Osmanin
Nënkryetari i LDK’së Lutfi Haziri ka folur për Vjosa Osmanin, ish-kandidate për kryeministre e LDK’së. Kjo e fundit në zgjedhjet e jashtëzakonshme pritet të garojë me një iniciativë të sajën.
Por si i komenton veprimet e tilla Lutfi Haziri. Kryetari i Gjilanit thotë se Osmani nuk ka vend jashtë LDK’së.
‘Vjosa është ndërtuar në profilin e LDK’së, në formatin e LDK’së dhe ka qenë format përfaqësues, kokëfortësi politike, vlerë politike…’, thotë Haziri në Tetea Tete me Adelinen.
“E madhja te ne është kur ne në dallime rrimë bashkë. Na jemi njerëz”, thotë Haziri.
Në situatën aktuale, me largimin e Osmanit nga LDK, Haziri nuk e sheh fitues asnjërën palë.
“Sot ne humbim, nesër humb Vjosa. PociCioni është i njëjtë. Ne dëmtohemi sot, në procesin tjetër dëmtohet Vjosa”, thotë Haziri.
(Kosova Sot Online)
