Lexoni edhe:
Uzurpimet klanore që do ta shkatërrojnë LDK-në pa Vjosa Osmanin në zgjedhjet e jashtëzakonshme
Të akuzuarit nga Specialja kërkojnë ndihmë financiare nga shteti, këtë javë transferohen mjetet
Në Ministrinë e Drejtësisë kanë pranuar disa kërkesa për mbështetje financiare nga të akuzuarit e Speciales.
Kështu ka deklaruar sot në një konferencë për media, Ministri i Drejtësisë, Selim Selimi.
Ai ka thënë se së shpejti do të bëhet adresimi i kërkesave dhe transferimi i mjeteve.
“Kisha qenë i rezervuar… Kemi pranuar disa kërkesa. Shpresoj që gjatë kësaj jave kërkesat do te adresohen dhe të bëhet transferimi i mjeteve”, ka thënë Selimi.
Pas arrestimit nga Specialja, për krime të luftës janë duke u akuzuar ish-presidenti i vendit, Hashim Thaci, ish-kreu i PDK-së, Kadri Veseli, deputeti Rexhep Selimi e ish-kreu i Kuvendit Jakup Krasniqi.
Për Thacin dhe Veselin tashmë janë hapur fonde ku është kërkuar mbështetje finaciare.
Nga Haga janë arrestuar edhe Salih Mustafa, e krerët e organizatës së veteranëve, Hysni Gucati dhe Nasim Haradinaj.
(Kosova Sot Online)
