Tërmeti shkundi edhe Parlamentin slloven, deputeti ndërpret fjalimin e ikin të gjithë nga salla

Tërmeti magnitudë 6.3 të shkallës rihter, që ra këtë të martë në Kroaci, u ndie edhe në Slloveninë fqinje. Një video e publikuar në rrjetet sociale tregon momentin kur lëkundjet ndërpresin punimet në sallën e parlamentit atje, ndërsa deputetët lënë vendet dhe shihen teksa largohen.

Lexoni edhe:

Shtohet numri i të lënduarve në afërsi të lagjes “Marigona”, disa nga ta morën lëndime në kokë

Për arsye sigure, Sllovenia ka mbyllur edhe një impiant bërthamor në vend. Sipas EMSC, epiqendra e tërmetit ishte rreth 42 kilometra në juglindje të Zagrebit.

Vetëm një ditë më parë, një tërmet me magnitudë 4,9 rihter u regjistrua në Kroaci, duke shkaktuar edhe dëme në disa banesa.

(Kosova Sot Online )