Policia konfirmon gjetjen e një trupi të pajetë në mes të Prishtinës

Policia e Kosovës ka dhënë detaje për gjetjen e një personi të vdekur në një zyre në rrugën “Garibaldi”, në Prishtinë.

Rastin e ka konfirmuar zëdhënësja e Policisë. Flora Ahmeti. Ajo për express tha se bëhet fjalë për një mashkull.

Rreth orës 09:30 kemi pranuar informatën për një person pa shenja jete në një zyrë në rrugën ”Garibaldi” në Prishtinë.

Menjëherë njësia policore dhe ekipi mjekësor kanë dalë në vendngjarje, ku nga ekipi mjekësor është konfirmuar se personi (mashkull) është pa shenja jete. Aktualisht hetuesit policor në koordinim me prokurorinë kanë nisur hetimin për rrethanat qe karakterizojnë ngjarjen”, ka thënë ajo.

Media mëson që tashmë i ndjeri është i moshës rreth 50 vjeçare.

Në vendin e ngjarjes kanë dal familjarët e tij dhe Instituti i Mjekësisë Ligjore. 

(Kosova Sot Online)