Mediat serbe raportojnë për marrëveshjen IIA të nënshkruar sot, citojnë Hotin si kryeministër të institucioneve të përkohshme

Kryeministri, Avdullah Hoti dhe Ambasadori Amerikan në Kosovë, Philip Kosnett, sot kanë nënshkruar Marrëveshjen për Nxitjen e Investimeve (IIA), e cila ia mundëson Korporatës së SHBA-së për Zhvillim Ndërkombëtar Financiar (DFC) e bankës për zhvillim të SHBA-ve, për të sjellë gamën e prodhimeve financiare në Kosovë, ku përfshihet financimi i borxhit, investimeve në ekuitet, sigurimi i riskut politik dhe grantet për ndihmë teknike.

Për marrëveshjen e nënshkruar sot kanë raportuar edhe mediat serbe, duke e cituar Hotin si kryeministër i institucioneve të përkohshme.

“Kryeministri i Institucioneve të Përkohshme të Kosovës, Avdullah Hoti dhe Ambasadori Amerikan në Prishtinë, Philip Kosnet, nënshkruan sot një Marrëveshje të re për Nxitjet e 
Investimeve IIA (SPI) që lejon Korporatën Ndërkombëtare të Financave të Zhvillimit të SHBA (DFC), Banka e Zhvillimit të SHBA, të dërgojë një sërë produktesh financiare në KIM”, thuhet në raportimin e Blicit serb.

(Kosova Sot Online)