Lexoni edhe:
Palmer nuk përjashton mundësinë që Albright të përfshihet në negociatat Kosovë-Serbi
Njeriu i Vitit për Time Magazine: Një çift presidencial
Kjo është hera e parë që një zv/President zgjidhet Personi i Vitit. “Dyshja Biden-Harris përfaqëson diçka historike”, shkruhej në një tuit të revistës Time.“Person i Vitit nuk ka të bëjë vetëm me vitin që shkoi, por edhe me drejtimin që po shkojmë”.
Edward Felsenthal, kryeredaktori i Time, thotë se katër vitet e ardhshme do të jenë një sprovë e madhe për ata dhe ne të gjithë për të parë nëse mund të materializohet uniteti i premtuar”.
“Biden dhe Harris ndajnë besimin se qeverisja empatike mund të rikthejë solidaritetin e humbur’, shkruante në tributin e saj për fituesit revista Time.
“… të gjithë Presidentët trashëgojnë probleme nga paraardhësit, por Biden është i pari të cilit i duhet që literalisht ta detoksifikojë Shtëpinë e Bardhë.Lufta me pandeminë është vetëm fillimi i sfidës, në shtëpi dhe jashtë.Duhen rindërtuar aleancat, kaluar paketat e ndihmës dhe formuar qeveria”.
Time theksoi një listë të gjatë urdhrash ekzekutivë që Presidenti i zgjedhur po planifikon të zbatojë sapo të futet në Shtëpinë e Bardhë, përfshirë rikthimin e DACA, ripërfshirjen në Paktin e Klimës së Parisit dhe shfuqizimin e pengesave në lëvizje.
Tre individë të tjerë ishin në listën e shkurtër për të marrë çmimin: lëvizja për drejtësi racore, Donald Trump, dhe Dr. Anthony Fauci bashkë me punonjësit e Shëndetësisë.
TIME shpall një Personi i vitit çdo vit që nga 1927.Vjet çmimi i shkoi aktivistes së mjedisit, Greta Thunberg.
(Kosova Sot Online)
