Lexoni edhe:
Ja pse Gjykata duhet ta ndalon krijimin e fondeve mbrojtëse për të akuzuarit nga Gjykata Speciale
Serbia shpërndan apartamente për çiftet serbe në Veri, aty merr pjesë edhe zëvendëskryeministri i Kosovës
Drejtori i të ashtuquajturës zyrë për Kosovën në Qeverinë e Serbisë, Petar Petkoviq ua dorëzoi çelësat e 36 apartamenteve të reja në Mitrovicën e Veriut, qiramarrësve serbë në tri ndërtesa banimi, të cilat u ndërtuan nga Qeveria e Serbisë.
Banesat me një sipërfaqe mesatare prej 60 metra katrorë janë ndërtuar për nevojat e strehimit të çifteve të reja të martuara, familjeve të personave të zhvendosur brenda vendit si dhe strehimit të popullatës së prekshme nga territori i komunës së Mitrovicës së Veriut.
Pasi vizitoi apartamentet e ndërtuara rishtas, Petkoviq theksoi se “nuk ka dhuratë më të mirë për shtetin e Serbisë vetëm para Krishtlindjeve sot, sesa ta shohë buzëqeshje në fytyrat e këtyre njerëzve të mrekullueshëm”.
“Zyra për Kosovë dhe Metohi dorëzoi 36 apartamente, nga gjithsej 96 që i ndërtoi në vitin 2020. Tetë ndërtesa në Mitrovicën Veriore, pesë ndërtesa në Leposaviq, dy ndërtesa në Zveçan dhe tri ndërtesa në Zubin Potok. Ne do të vazhdojmë me të njëjtin ritëm në vitin 2021”, tha Petkoviq.
Siç theksoi ai, ai është veçanërisht i lumtur dhe krenar që vitin e kaluar, i cili ishte i ngarkuar me koronavirus, për shkak të të cilit u ndal e gjithë bota, Serbia arriti të përfundojë këto ndërtesa në mënyrë që çiftet e reja të martuara të mund të lëvizin, kryesisht me më shumë fëmijë.
“Kur kemi fëmijë, kemi edhe një të ardhme, kjo është ajo që është më e rëndësishmja. Më shumë se 330 milionë dinarë janë investuar në ndërtimin e këtyre ndërtesave dhe më 10 janar do të fillojë rregullimi i katit përdhesë dhe disa detaje të tjera që duhet të përfundojnë, por në çdo rast, kur të përfundojë konkursi për pjesën tjetër të ndërtesave ose apartamenteve, ne do të kemi gjithsej 96 familje. të cilat do t’i zhvendosim në tetë ndërtesa këtu në Mitrovicën e Veriut”, tha Petkoviq.
Duke uruar për Krishtëlindje, Petkoviq përcolli urimet dhe përshëndetjet nga presidenti i Serbisë, Aleksandar Vuçiq dhe të gjithë Qeverisë së Serbisë, me mesazhin se ata do të vazhdojnë të jenë me popullin serb, “për të ndërtuar, për të krijuar dhe për të luftuar për një të ardhme më të mirë”.
Në këtë ceremoni mori pjesë edhe zëvendëskryeministri i Kosovës dhe kryetari i Listës Serbe, Goran Rakiq, i cili i përgëzoi pronarët e rinj të apartamenteve, duke thënë se “të gjithë në Serbi janë një familje e madhe, pavarësisht se në cilën pjesë të vendit tonë jetojnë”.
“Nuk ka moment më të mirë apo më të lumtur sesa kur një burrë mund të festojë festën e Krishtlindjes më të lumtur me familjen e tij në shtëpinë e tij. Që nga sot, 36 familje do të festojnë të gjitha festat në shtëpitë e tyre”, tha Rakiq.
Petkoviq do të qëndrojë në Kosovë sot dhe nesër. Për vizitën e tij, media ka pyetur në Qeveri dhe në Ministrinë e Punëve të Jashtme. Ende nuk ka ndonjë përgjigjje.
(Kosova Sot Online)
