Lexoni edhe:
Shndërrimi i pabesueshëm, familja transformon furgonin e vjetër në një kamper luksoz
Në Zvicër rriten çmimet e qirasë dhe të shtëpive
Përkundër frikës fillestare se çmimet e pronave do të bien, çmimet janë rritur gjatë periudhës së pandemisë. Gjatë vitit, çmimet e ofertave të shtëpive të pavarura u rritën me 5.6%, ndërsa çmimet e apartamenteve u rritën me 5.5% në të gjithë Zvicrën si një e tërë, sipas Indeksit Zviceran të Ofertës së Pasurive të Patundshme i përpiluar nga ImmoScout24.
2020 ka treguar edhe një herë se pasuritë e sigurta rriten me rëndësi gjatë kohërave të pasigurta, tha Martin Waeber, drejtori menaxhues i ImmoScout24, përcjell albinfo.ch.
Koronavirusi shtyu shumë të rishikojnë situatën e tyre të jetës, tha Waeber. Kjo i bëri ata të kuptojnë se duan më shumë hapësirë ëdhe, kur është e mundur, të bëhen pronarë të shtëpive. Kjo rriti qiratë dhe çmimet e shtëpive.
Në vitin 2020, qiraja mesatare u rrit 1,1% në të gjithë Zvicrën. Rritja më e pjerrët ishte në të gjithë rajonin e Liqenit të Gjenevës (+ 2.5%), e ndjekur nga Zvicra qendrore (+ 1.6%). Qiratë u rritën më pak në kantonin e Cyrihut (+ 0,6%) dhe ranë në Ticino (-1,5%). Qiratë në Ticino kanë rënë me 10% gjatë 6 viteve të fundit. Qiratë në Cyrih dhe rajonin e Liqenit të Gjenevës janë përkatësisht më të lartat dhe rreth 22% dhe 15% mbi mesataren e Zvicrës. Rajonet më të lira janë Zvicra lindore, Ticino dhe Mittland.
Gjatë 10 viteve të fundit, çmimet individuale të shtëpive në Zvicër janë rritur me më shumë se 20% dhe çmimet e apartamenteve me afër 30%, sipas të dhënave të ImmoScout24.
Waeber pret që 2021 të lërë gjurmë në tregun zviceran të pasurive të patundshme. Fokusi tani duhet të jetë në pasojat përfundimtare ekonomike të asaj që ka ndodhur të tilla si papunësia dhe uljet e pagave, tha ai.
(Kosova Sot Online)
