Në Gjakovë bllokohen rrugët për shkak të reshjeve të shiut e borës

  • E.K /
  • 08 janar 2021 - 10:57
Në Gjakovë bllokohen rrugët për shkak të reshjeve të shiut e borës

Në Gjakovë janë krijuar vështirësi në disa rrugë komunale për shkak të reshjeve të shiut dhe të borës.

Kështu kanë njoftuar nga Kuvendi Komunal në Gjakovë, ku thuhet se operatorët e kontraktuar për mirëmbajtjen e rrugëve janë në terren dhe po kujdesen që të sanojnë problemet e krijuara.

Komuna ka njoftuar se deri më tani janë raportuar situata të rënduara në hyrje-daljet e qytetit, tek rruga “Qazim Bakalli”, tek Ura që lidh Bllokun e Ri me Shkugëzen, kemi bllokim të rrugëve “Fehmi Agani” dhe “Gaspër Karaqi” si dhe paralagjia Brekoc.

Komuna ka lutur qytetarët për kujdes ndërsa ka kërkuar nga qytetarët që të telefonojnë në Qendrën e Thirrjeve Emergjente përmes numrit 112 në rast të vështirësive.

(Kosova Sot Online)