Lexoni edhe:
Armend Zemaj njofton se dy të lënduar nga shpërthimi në Ferizaj nisen sot për shërim në Austri
Komuna e Malishevës del me njoftim për situatën e shkaktuar nga vërshimet, një rrugë mbetet e pakalueshme
Nga Drejtoria për Mbrojte dhe Shpëtim në Komunën e Malishevës është njoftuar se është qetësuar situata nga vërshimet dhe se të gjitha rrugët janë të kalueshme.
“Është qetësuar situata nga vërshimet në territorin e Komunës së Malishevës dhe përjashtuar një urë në rrugën Mirushë-Gurbardh, e cila është mbuluar nga uji, të gjitha akset tjera rrugore janë të kalueshme, ka bërë të ditur sot, Drejtoria për Mbrojtje dhe Shpëtim në Malishevë”, thuhet në njoftim.
Më tutje thuhet se ekipet emergjente janë në vendin e ngjarjes duke monitoruar situatën,.
“Drejtori i Drejtorisë për Mbrojtje dhe Shpëtim, Hafir Rexha, ka konfirmuar se të gjitha rrugët janë të kalueshme, përjashtuar rrugën Mirushë-Gurbardh, por që qytetarët kanë rrugë alternative dhe nuk është asnjë vendbanim i bllokuar. Drejtori Rexha, ka bërë të ditur se ekipet emergjente janë në terren në monitorim të situatës dhe pavarësisht rënies së nivelit të ujit në lumin Mirusha, situata do të monitorohet, pasi mund të ketë shkrirje të shpejtë të borës dhe të reshura tjera gjatë pasditës dhe mbrëmjes, bazuar edhe në parashikimin e IHMK”, thuhet më tutje në njoftim.
Kujtojmë që komuna e Malishevës ishte njëra ndër zonat më të goditura nga vërshimet, si pasojë e reshjeve të mëdha të shiut dhe borës.
(Kosova Sot Online)
