Lexoni edhe:
Këta janë të emëruarit e Biden-it, dy prej tyre në pozita kyçe mbështetës të Kosovës
Ky vend futet në izolim 11-ditor, ora policore 24 orë, mbyllen edhe dyqanet ushqimore
Të enjten në Liban filloi periudha e izolimit 11-ditor. Gjatë kësaj periudhe, ora policore në shtetin e vogël të Lindjes së Mesme do të zgjasë 24 orë.
Për të dalë nga shtëpitë apo banesat, qytetarët e Libanit tani duhet të kërkojnë leje të veçantë. Libani këtë periudhë i ka mbyllur edhe dyqanet ushqimore.
Policia ka filluar t’i ndalë dhe t’i kontrollojë veturat në rrugë, duke ua kërkuar vozitësve lejen për të dalë në orë policore. Këto masa janë më të ashprat që nga fillimi i pandemisë, shkruan The Guardian.
Autoritetet u përballën me trysni për ashpërsim të masave pasi spitalet e Libanit mbetën pa shtretër të lirë dhe shifra ditore e rasteve arriti në nivel rekord prej 5.440 personave javën e kaluar.
Ndryshe, Libani është duke kaluar nëpër një periudhë të vështirë, sepse po përballet njëkohësisht me pandeminë, krizën ekonomike dhe bankare si dhe me pasojat e shpërthimit të fuqishëm në Bejrut, i cili ndodhi në gusht të vitit të kaluar.
(Kosova Sot Online)
