Lexoni edhe:
Pse bota ka nevojë për viruse që të funksionojë
22-vjeçarja që hyri në Kongres dyshohet se e vodhi laptopin e Nancy Pelosit për t’ia shitur Rusisë
FBI po heton një raport që një grua mund ta ketë vjedhur një kompjuter portativ nga zyra e Nancy Pelosit gjatë ndërhyrjes së dhunshme në ndërtesën e Kongresit, në mënyrë që ta shiste atë në Rusi.
Akuzat penale janë ngritur, raporton CNN. Thuhet se ajo që mund ta ketë bërë këtë është 22-vjeçarja Riley June Williams nga Pensilvania, e cila akuzohet për hyrjen në ndërtesë gjatë rrethimit të Kongresit dhe vjedhjen e laptopit të Kryetares së Dhomës së Përfaqësuesve, Nancy Pelosi.
Dëshmitari i pretenduar u tha hetuesve se miqtë e Williams lëshuan një video që e shfaq atë duke e vjedhur pajisjen dhe i thanë atij se ajo kishte për qëllim t’ia dërgonte pajisjen kompjuterike një miku në Rusi, i cili më pas planifikoi t’ia shiste atë shërbimit të inteligjencës së huaj ruse.
Sidoqoftë, sipas dëshmitarit, plani dështoi për arsye të panjohura, dhe Williams ose ende e zotëron pajisjen ose e ka shkatërruar atë që atëherë.
Siç është thënë, e gjithë çështja është ende nën hetim, dhe Williams nuk është arrestuar ende.
(Kosova Sot Online)
