Lexoni edhe:
Rrahu nënën e tij, gjykata ia cakton një muaj paraburgim djalit nga Ferizaj
Vasfije Krasniqi ka qenë në negociata me PDK’në, ia kemi ofruar numrin 3 në listë
Shefi i shtabit zgjedhor të PDK’së, Betim Gjoshi, ka thënë se Vasfiji Krasniqi ka qenë në negociata me Partinë Demokratike të Kosovës për të qenë pjesë e listës së kësaj të fundit për zgjedhjet e 14 shkurtit.
Ai ka thënë se deri disa orë para se Vetëvendosje të publikonte listën me kandidatët për deputetë, Krasniqi ka qenë në negociata me PDK’në, e cila i ka ofruar asaj numrin 3 në listë.
“Vasfije Krasniqi ka qenë në negociata edhe me neve. Ka pasur një bisedë edhe me kryetarin e partisë edhe me njerëz tjerë deri pak orë para se të dorëzohet lista. I ka pasur disa kërkesa për mbështetje që ndoshta të tjerat ja kanë ofruar më shumë. Ne asaj ja kemi ofruar numrin 3 në listë”, tha ai.
Përkundër insistimit të Lanit, Gjoshi nuk pranoi të tregoj kërkesat që i ka pasur Krasniqi ndaj PDK’së.
(Kosova Sot Online)
